Թուրքական որոշ կազմակերպություններ իրենց աշխատակիցներին հորդորել են քիչ օգտվել զուգարանի թղթից

Թուրքական Cumhuriyet-ը հատուկ հոդված է հրապարակել տարբեր կազմակերպություններում առկա ճգնաժամային իրավիճակի մասին, որը, ըստ մասնագետների, կարող է խորանալ երկրում լիրայի կտրուկ անկման հետևանքով:

Cumhuriyet-ի հաղորդմամբ` որոշ կազմակերպությունների ղեկավարներ խնայողություններ իրականացնելու որոշման շրջանակներում իրենց աշխատակիցներին հորդորել են քիչ օգտվել զուգարանի թղթից, մաքրության միջոցներից, հագնվել ավելի տաք` ջեռուցման ծախսերից խուսափելու համար, ցերեկվա ժամերին բավարարվել արևի լույսով: Անսահմանափակ ինտերնետ տրամադրող Wifi սարքը հնարավոր է չտրամադրվի, իսկ գրասենյակներում անսարք տեխնիկաները վերանորոգելու համար հատուկ թույլտվությունը տրամադրվելու է ընկերության կողմից:

Խնայողությունների մասին աշխատակիցներին  ուղարկված ծանուցման մեջ նշվել է  նաև, որ գործուղումներ մեկնելիս հյուրանոցների համարները ամրագրվելու են ամիսեր առաջ`հնարավոր ամենաէժան տարբերակը ձեռք բերելու համար: