Ճապոնիան մերժել է Պուտինի առաջարկը

Ճապոնիան խաղաղության պայմանագիր չի կնքի ՌԴ-ի հետ, քանի դեռ չի կարգավորվել տարածքային վեճը: Այդ մասին հայտարարել է Ճապոնիայի նախարարների կաբինետի գլխավոր քատուղար Յոսիհիդե Սուգան. հայտնում է Интерфакс-ը:

Ավելի վաղ հայտնել ենք, որ ՌԴ նախագահ Վլադիմիր Պուտինն Արևելյան տնտեսական համաժողովի շրջանակում առաջարկել է խաղաղության պայմանագիր կնքել Ռուսաստանի ու Ճապոնիայի միջև:

Риа Новости-ն հիշեցնում է, որ ռուս-ճապոնական երկխոսությունը տարիներ շարունակ մթագնում է պայմանագրի բացակայությունը:  Ճապոնիան հավակնում է Կունաշիր, Շիկոտան, Իտուրուպ, Խաբոմայի կղզիներին՝ հիմնվելով 1855-ին կնքված Սահմանների և առևտրի երկկողմ տրակտատի վրա: