ՌԴ-ում ձերբակալվել է Թալիշի ազգային շարժման առաջնորդը, դա Բաքվի վրեժն է. «Ռեգնում»

2018-ի սեպտեմբերի 6-ին Լյուբերեցկի շրջանի ոստիկանները ձերբակալել են քաղաքական գործիչ, Թալիշի ազգային շարժման առաջնորդ, հրապարակախոս, բանասեր Ֆահրադին Աբոսզոդային, որի նկատմամբ Ադրբեջանն ավելի վաղ միջազգային հետախուզում  էր հայտարարել. հայտնում է РЕГНУМ-ը::

Աբոսզոդան ձերբակալվել է 1 ամսով` նրան Ադրբեջանին արտահանձնելու գործընթացն ապահովելու համար:

Աբոսզոդայի դեմ քրեական գործը հարուցվել է 2018-ի հուլիսի 14-ին: 2017-ին  նրան մեղադրել են ազգամիջյան թշնամանք հրարհելու մեջ: 

РЕГНУМ -ը նշում է, որ նրա դեմ շինծու մեղադրանքներով հարուցված քրեական գործը իրականում  վրեժ է նրա հասարակական-քաղաքական գործունեության համար: Հայտնի է, որ 1994-ին Աբոսզոդան ռեպրեսիաներից խուսափելու համար տեղափոխվել է ՌԴ,  այնուհետև` 2005-ին վերադարձել հայրենիք, սակայն կարճ ժամանակ անց դարձյալ մեկնել ՌԴ:

Կայքը հիշեցնում է, որ Աբոսզոդան երկու հայտնի գրքերի հեղինակ է`«Թալիշի չկայացած անկախությունը», «Մտածել անհնարինը. իմ պայքարը Թալիշստանի անկախության համար»: