Երևան-Արմավիր մայրուղին փակած գեղակերտցիները սպասում են կառավարության ներկայացուցչին

Արմավիրի մարզի Գեղակերտ համայնքի բնակիչներն այսօր փակել են Երևան-Արմավիր մայրուղին: Նրանք ոռոգման ջրի խնդիր ունեն:

Yerkir.am-ի հետ զրույցում Գեղակերտի համայնքապետ Սերյոժա Առաքլեյանը նշեց, որ բնակիչները բողոքում են ոռոգման ջրի սակավությունից: «Մեզ մոտ ելակ են աճացնում, Ելակի սածիլը հիմա են անում, որպեսզի գարնանն արդեն վաճառվի: Այդ սածիլման շրջանն էև հիմա ոռոգման ջուրը շատ պետք է լինի: Ժողովուդրը ջուր է պահանջում: Կա արտեզյան ջուր, խնդիրը միայն պոմպն է: Պետք է միայն մեկ կամ երկու պոմպ դնել,  հարցին լուծում չեն կարողանում տալ»,- ասաց համայնքապետը:

Նա ասաց, որ բնակիչների հետ հանդիպել է ոստիկանության Վաղարշապատի բաժնի պետը,  համաձայնության են եկել բացել ճանապարհը` մինչև կառավարության ներկայացուցչի հետ հանդիպելը:

«Սպասում ենք կառավարության ներկայացուցչին, խոստացել են լուծել խնդիրը, տեսնենք»,- ասաց համայնքապետը: