Երևանի ավագանու ընտրություններին մասնակցող քաղաքական ուժերը գրանցման հայտերն են ներկայացնում ԿԸՀ

Այսօր լրանում է Երևանի ավագանու արտահերթ ընտրություններին կուսակցությունների առաջադրման վերջնաժամկետը։

Քաղաքական ուժերը, որոնք մասնակցելու են Երևանի ավագանու ընտրություններին գրանցման հայտերն են ներկայացնում Կենտրոնական ընտրական հանձնաժողով:

Հիշեցնենք, որ ավագանու արտահերթ ընտրությունները կանցկացվեն սեպտեմբերի 23-ին: Երևանի ավագանու ընտրություններին մասնակցելու մասին հայտարարել է 10 քաղաքական ուժ` ՀՅԴ-ի ցուցակը կգլխավորի Միքայել Մանուկյանը, «Քաղաքացիական պայմանագիր» կուսակցության ցուցակը կգլխավորի Հայկ Մարությանը, «Լուսավոր Հայաստան» և «Հանրապետություն» կուսակցությունները, որոնց միասնական ցուցակը կգլխավորի Արտակ Զեյնալյանը, ԲՀԿ ցուցակը կգլխավորի Նաիրա Զոհրաբյանը, «Ժառանգության» ցուցակը կգլխավորի Րաֆֆի Հովհաննիսյանը, «Երկիր ծիրանի»-ի ցուցակը կգլխավորի Զարուհի Փոստանջյանը, ՀՀՇ-ի ցուցակը կգլխավորի Արարատ Զուրաբյանը (նա ԱԺ «Ծառուկյան» խմբակցության պատգամավոր է), «Ժողովրդավարական ուղի» կուսակցության ցուցակը կգլխավորի Մանուել Գասպարյանը, «Երևանի հանրություն» նախաձեռնության և «ԳԱԼԱ» կուսակցության ցուցակը կգլխավորի ճարտարապետ Անահիտ Թարխանյանը, Ռեֆորմիստներ կուսակցության ցուցակը կգլխավորի կինոռեժիսոր Արտակ Ավետյանը: