Այլևս որևէ տնօրեն առնչություն չի ունենա առաջին դասարանցիների հայտերն ընդունելու պրոցեսի հետ. ԿԳ նախարար

ԿԳ նախարար Արայիկ Հարությունյանը իր ֆեյսբուքյան էջում տեղեկացնում է, որ հաջորդ տարվանից առաջին դասարանցիների գրանցման հայտերը կլրացվեն առցանց՝ բացառելով կոռուպցիոն ռիսկերը և տնօրենների կողմից իրենց լիցենզիայով թույլատրվածից ավել աշակերտ ընդունելու հնարավորությունը։

Նախարարի խոսքով` այստեղ համակարգային կարգավորման խնդիր կա, այլևս որևէ տնօրեն առնչություն չի ունենա առաջին դասարանցիների հայտերն ընդունելու պրոցեսի հետ: Ծնողները կմտնեն կայք, որտեղ գրված կլինի, թե որքան թափուր տեղ կա տվյալ դպրոցի առաջին դասարանցիների համար, կլրացնեն հայտը, և որևէ տնօրեն չի կարող գերազանցել թվաքանակը: Այսպիսով «օլիգարխ-դպրոցները» չեն կարող գերազանցել առաջին դասարանցիների թվաքանակը, նպաստելով այլ դպրոցների թերբեռնվածությանն ու անմրցունակությանը: