Կվերանորոգվի Թալինի բժշկական կենտրոնի ծննդօգնության բաժանմունքը

Արագածոտնի մարզպետ Աշոտ Սիմոնյանը իր ֆեյսբուքյան էջում գրել է.

«ՀՀ առողջապահության նախարար Արսեն Թորսյանի հետ այսօր մի շարք աշխատանքային հանդիպումներ ենք անցկացրել Արագածոտնի մարզի բուժհաստատություններում: Մասնավոապես այցելել ենք «Աշտարակի բժշկական կենտրոն», «Ապարանի բժշկական կենտրոն», «Թալինի բժշկական կենտրոն», «Ծաղկահովիտի բժշկական կենտրոն», «Արտենիի առողջության կենտրոն» ՓԲԸ-ներ և «Արագածի առողջության կենտրոն» ՀՈԱԿ:
Շրջայց կատարելով բժշկական հաստատությունների մասնաշենքերով, հիվանդասենյակներով, ծանոթացանալով բաժանմունքերում առկա խնդիրներին՝ քննարկել ենք բժշկական կենտրոնների վերազինման և վերանորոգման իրականացման համար անհրաժեշտ միջոցների ներգրավման հնարավորությունները։

Առաջնահերթ նախատեսվում է Թալինի բժշկական կենտրոնի պատուհանները փոխարինել նորով և վերանորոգել ծննդօգնության բաժանմունքը:
Մյուս բժշկական կենտրոններում առկա հրատապ լուծում պահանջող խնդիրները հաշվառվել են և կլուծվեն առաջիկայում»: