|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
ՀՅԴ Լիբանանի կենտրոնական կոմիտեի ներկայացուցիչ, պատգամավոր Հակոբ Բագրատունին «Շաղզոյեան» կենտրոնում ընդունել է «քաղաքացիական պայմանագիր» խմբակցության պատգամավորներ Ալեն Սիմոնյանին, Լենա Նազարյանին եւ Հրաչյա Հակոբյանին։
Ըստ Aztagdaily-ի՝ հանդիպման ընթացքում քննարկվել է Լիբանանի խորհրդարանի և Հայաստանի Ազգային ժողովի միջև հարաբերությունները ամպրապնդելու հարցը, ինչպես նաև Հայաստանում թավշյա հեղափոխության արդյունքում արձանագրվող փոփոխությունները։
«ՔՊ»-ի պատգամավորներն իրենց գոհունակությունն են հայտնել Հայաստանում կատարվող փոփոխության հարցում ՀՅԴ-ի զորակցության առնչությամբ՝ շեշտելով, որ ընթացող վարքագիծն իր մեջ չի կարող պարունակել կանխամտադրություն կամ վրիժառական միտում։
Բագրատունին իր հերթին ներկայացրել է Լիբանանի քաղաքական իրավիճակն ու ՀՅԴ-ի դիրքորոշումները։ Նա վստահություն է հայտնել այն մասին, որ Հայաստանի իշխանությունները միշտ գերադասում են Հայաստանի եւ հայության շահերը և հետամուտ լինում՝ ամրապնդելու երկրի անկախությունն ու գերիշխանությունը, ինչպես նաև պաշտպանում ազատ լինելու իրավունքը։
Բագրատունին նաև վստահություն է հայտնել այն մասին, որ Հայաստանի իշխանությունները ժողովրդին հույս ներշնչելով են հասնում սպասված բարեփոխումներին, որոնց միշտ զորավիգ է եղել Դաշնակցությունը՝ ելնելով իր ընկերային-տնտեսական սկզբունքներից: