Սուրբ Գեղարդը դուրս կբերվի, և մեր ժողովուրդը կտեսնի, որ այն անխաթար և անվնաս է. տեր Վահրամ

Տեղեկացրել էինք, որ «Նոր Հայաստան, նոր հայրապետ» նախաձեռնության անդամները ներխուժել են Մայր Աթոռի դիվանատուն: Նրանք պահանջել են ցույց տալ գանձատանը պահվող սուրբ մասունքները, օրինակ՝ Սուրբ Գեղարդը, քանի որ պնդում են, որ այն վաճառվել է:

Մայր Աթոռ Սուրբ Էջմիածնի տեղեկատվական համակարգի տնօրեն տեր Վահրամ քահանա Մելիքյանն էլ ֆեյսբուքյան էջում գրել է. «Պաշտոնապես հայտարարում եմ, որ լուրերը, թե Մայր Աթոռ Սուրբ Էջմիածնում պահվող Սուրբ Գեղարդը վաճառվել է կամ վնասվել, կեղծ են։ Առաջիկային այն դուրս կբերվի հավատացելոց երկրպագության համար, և մեր ժողովուրդը կտեսնի, թե համաքրիստոնեական սրբությունն անխաթար է և անվնաս»։