Առողջապահության նախարարը աշխատանքային այցով Լոռու մարզում է

Առողջապահության նախարար Արսեն Թորոսյանը աշխատանքային այց է կատարել Լոռու մարզ: Ֆեյսբուքյան իր էջում նա տեղեկացնում է այցի արդյունքների մասին:

«Տաշիրը կարիք ունի նոր և կոմպակտ բժշկական կենտրոնի, որի կառուցման հնարավորությունների մասին քննարկում ունեցանք Տաշիրի քաղաքապետի հետ։ Տեղյակ կպահեմ զարգացումների մասին»,- գրել է նախարարը:

Արսեն Թորոսյանը տեղեկացնում է նաև, որ Ստեփանավանի պոլիկլինիկայի շենքը կապիտալ վերանորոգվում է։

Առողջապահության նախարարը շարունակում է տեղեկացնել, որ այցելել է Սպիտակի ԲԿ և հանդիպել տնօրեն Արսեն Մկրտչյանի հետ։

«Շրջայց կատարեցինք բժշկական կենտրոնում, խոսեցինք պացիենտների և բուժանձնակազմի հետ։

Կենտրոնը մատուցում է որակյալ բժշկական ծառայություններ տարածաշրջանի բնակիչների համար իր բարձրակարգ բժշկական անձնակազմի և որակյալ սարքավորումների միջոցով»,- գրել է նախարարը: