Թուրքիայում քրդամետ Ժողովուրդների դեմոկրատական կուսակցության նախկին համանախագահ, նախագահական ընտրություններում թեկնածու առաջադրված Սելահաթթին Դեմիրթաշը բանտից արձագանքել է Թուրքիայի նախագահ Ռեջեփ Թայիփ Էրդողանի` Դեմիրթաշին մահապատժի ենթարկելու ակնարկին:
Ըստ Diken-ի`նա ուշադրություն է հրավիրել Էրդողանի նախընտրական «խոստումների» բնույթին: «Էրդողանն ասում է` եթե ընտրվի, ինձ մահապատժի կենթարկի: Տեսնում եք, չէ՞, նախագահի թեկնածուն ինչպիսի խոստումներ է տալիս ընտրողներին: Ասեմ՝ հանուն մեր ժողովրդի` ես պատրաստ եմ կյանքս զոհել հազար անգամ»,- հայտարարել է Դեմիրթաշը: