Լեռնային Ղարաբաղի` բանակցային գործընթացին մասնակցելու որոշումը պետք է կայացնեն Երևանը և Բաքուն. Լավրով

Լեռնային Ղարաբաղի` բանակցային գործընթացին մասնակցելու որոշումը պետք է կայացնեն Երևանը և Բաքուն: Այդ մասին ՀՀ ԱԳՆ ղեկավար Զոհրաբ Մնացականյանի հետ հանդիպումից հետո հայտարարել է ՌԴ ԱԳՆ ղեկավար Սերգեյ  Լավրովը. հայտնում է Интерфакс-Азербайджан-ը:

«Մոսկվայի դիրքորոշումը անփոփոխ է` ԼՂ հակամարտության լուծումը պետք լինի ԵԱՀԿ ՄԽ-ի միջոցով, որի մասնակիցը Ադրբեջանի և այլ պետությունների հետ մեկտեղ Հայաստանն է: Մենք համոզված ենք, որ դա օպտիմալ ձևաչափ է»,- ասել է նա:

Միևնույն ժամանակ, Լավրովը նշել է, որ բանակցությունների ձևաչափի փոփոխության մասին պայմանավորվածությունները ձեռք են բերվում Երևանի և Բաքվի միջև: «Եթե կողմերը որևէ փուլում պայմանավորվեն, որ Լեռնային Ղարաբաղը դարձյալ պետք է ներկայացվի բանակցություններում, դա կլինի նրանց որոշումը, և մենք կհարգենք այդ որոշումը»,- եզրափակել է նա: