Եկեղեցին ջատագով է, որ դպրոցներում դասավանդվի եկեղեցու պատմություն. տեր Եսայի

«Հայ եկեղեցու պատմություն» առարկայի՝ դպրոցներում դասավանդելու կապակցությամբ մտահոգությունները նոր չեն: Այս մասին լրագրողների հետ զրույցում ասաց Արարատյան Հայրապետական թեմի տեղեկատվական բաժնի համակարգող տեր Եսայի քահանա Արթենյանը:

Նրա խոսքով՝ փաստի վերաբերյալ եկեղեցու դիրքորոշումը դրական է և գործնական: «Այս առարկան, երբ ժամանակին ընդգրկվեց դպրոցներում պարտադիր ուսուցանվող առարկաների շարքում, եկեղեցին նախաձեռնող կողմերից մեկն էր և, բնականաբար, ջատագով է, որ դպրոցներում դասավանդվի եկեղեցու պատմություն: Միշտ էլ եղել է քննադատություն, թե դպրոցում կրոն է դասավանդվում, թեև մենք մեղավոր չենք, որ հայ եկեղեցու պատմությունը և հայ ժողովրդի պատմությունը մեկը մյուսից անբաժան իրողություններ են»,- ասաց տեր հայրը:

Նրա խոսքով՝ եկեղեցին միշտ պատրաստ է աջակցել այս առարկային՝ որքանով որ կտրվի հնարավորություն: