Հայաստանի նոր իշխանությունը հակված է կրկնել նախկինի սխալները. Ադրբեջանում անհանգիստ են

Ադրբեջանն ինտեսիվ բանակցությունների կողմնակից է` ԼՂ հակամարտության բանակցություններում առաջընթացի հասնելու համար: Այդ մասին haqqin.az-ին ասել է Ադրբեջանի ԱԳՆ խոսնակ Հիքմեթ Հաջիևը` մեկնաբանելով հայկական կողմի ոչ միանշանակ արձագանքը Ադրբեջանի նախագահի` Նախիջևանում արված հայտարարություններին:

 «Հայաստանում քաղաքական ճգնաժամի արդյունքում իշխանափոխություն է եղել, և ադրբեջանական կողմը հայտարարել է, որ, եթե Երևանում իշխանության գան ողջամիտ քաղաքական գործիչներ, ապա հակամարտության կարգավորման հարցում հնարավոր է առաջընթաց»,- նշել է նա` հավելելով, որ, երևում է ` Հայաստանի նոր իշխանությունը հակված է կրկնել նախկին իշխանության սխալները:

 Ըստ Հաջիևի` Հայաստանի ԱԳՆ-ն շարունակում է ցուցադրել նախկին իշխանությունների ապակառուցողական դիրքորոշումը: