Շուշիի ազատագրում. ՀՅԴ վաշտի մասնակցությունը

Արցախյան ազատամարտի մասնակից, ՀՅԴ Հայաստանի ԳՄ ազատամարտիկների հանձնախմբի պատասխանատու Արտաշես Մխիթարյանը գրում է.

«1992 թվականի մայիսի 8-ին վաշտը մասնակցում է Շուշիի ազատագրման մարտական գործողությանը, ուժերի մի մասով` Հրանտ Մինասյանի (Իրան) 25 հոգանոց, Միքայել Մանուկյանի (Երևան) 25 հոգանոց և Գրիգոր Գրիգորյանի (Արարատ) 22 հոգանոց դասակները Շուշիի բերդի ուղղությամբ, Էջմիածինցիների 40 հոգանոց դասակը (հրամանատար Հայկ Աբրահամյան) փոքր Քիրսի ուղղությամբ, Արտաշատի 30 հոգանոց դասակը (հրամանատար Պավլիկ Գյուրջյան) Քարին Տակ - Շուշի ուղղությամբ (ոչնչացվեց թշնամու Կարմիր քերծի, Նաբիլարի և Տիսկանց քերծի հենակետերը, որի արդյունքում Շուշի - Լաչին ճանապարհի վերահսկվում էր հայկական ուժերի կողմից), իսկ Ժիրայր ՍեՖիլյանի ընդհանուր հրամանատարությամբ գործող` Արամ Մանուչարյանի, Գրիգոր Սարգսյանի (Լիբանան), Ալբերտ Ալավերդյանի (Հրազդան), Ապրես Զոհրաբյանի դասակներից կազմված 150 հոգանոց հիմնական ուժերը խնդիր են ստանում շրջանցել Շուշին և Զարիսլուն, դուրս գալ Լիսագոր և փակել Շուշի – Լաչին ճանապարհը՝ թշնամու օգնական ուժերի առաջխաղացումը կասեցնելու նպատակով: Վաշտի հիմնական ուժերին հաջողվում է ճանապարհը փակել Զարիսլու գյուղի մատույցներում և մարտի մեջ մտնելով թշնամու գերկշռող ուժերի հետ, կասեցնում է նրանց առաջխաղացումը և հասցնում նրանց կենդանի ուժի ու տեխնիկայի զգալի կորուստներ»: