Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր Հանրապետության հրապարակում մեկնարկեց հերթական հանրահավաքը` Նիկոլ Փաշինյանի գլխավորությամբ: Մինչ հանրահավաքի մեկնարկը Փաշինյանի հետ հանդիպման էր եկել ՀՀ նախագահ Արմեն Սարգսյանը: Փաշինյանն իր ելույթում նշեց, թե ինչի մասին են զրուցել ՀՀ նախագահի հետ: Մասնավորապես` ՀՀ նախագահ Արմեն Սարգսյանը անընդունելի է համարել բռնությունների կիրառումը: Փաշինյանն էլ տեղեկացրել է, որ ինքը երաշխավորում է, որ շարժման որևէ մասնակից որևէ բռնություն չի գործադրելու:
«Ես ասացի, որ մենք վարում ենք բաց ձեռքերի քաղաքականություն: Արմեն Սարգսյանին լիազորություն է տրված հետևել Սահմանադրության պահպանմանը, և ինքը պետք է հետևի, որ մեր խաղաղ հավաքի նկատմամբ որևէ ոստիկանական գործողություն տեղի չունենա: Եվ եթե ոստիկանական գործողություն տեղի ունենա, այսօրվանից սկսած, այսօրվա հանդիպումից ու պարզաբանումից սկսած, դրա պատասխանատվությունը ընկնելու է Արմեն Սարգսյանի վրա»,- ասաց Փաշինյանը:
Նա նշեց, որ իր հնչեցրած պլանները չեն փոփոխվում, թեև ունի պլան Բ և պլան Գ: