Ոստիկանություն տարված քաղաքացիների թիվը հասել է 107-ի

Ժամը 13:00-ի դրությամբ ոստիկանականության Երևան քաղաքի տարբեր բաժանմունքներ է տարվել 107 քաղաքացի: Այս մասին Yerkir.am-ին հայտնեցին ոստիկանությունից:

ՀՀ փաստաբանների պալատից հայտնում են, որ այս պահին Երևան քաղաքի գրեթե բոլոր ոստիկանության բաժիններում են գտնվում Փաստաբանների պալատի իրավաբանական օգնություն տրամադրող խմբի փաստաբանները:

Երևանում հավաքներ նախաձեռնելու առաջին օրվանից ոստիկանության տարբեր ստորաբաժանումներ են այցելում նաև Մարդու իրավունքների պաշտպանի աշխատակազմի արագ արձագանքման խմբերը:

Այս պահին ԱԺ պատգամավոր Նիկոլ Փաշինյանի կողմնակիցները շարունակում են անհնազանդության գործողություններ իրականացնել մայրաքաղաքի տարբեր փողոցներում և խաչմերուկներում: