Թրամփը հեռախոսային խոսակցությամբ շնորհավորել է Պուտինին

ԱՄՆ-ի նախաձեռնությամբ հեռախոսային զրույց է տեղի ունեցել ԱՄՆ և ՌԴ նախագահների միջև: Այս մասին հաղորդում է ՌԴ նախագահի պաշտոնական կայքը: ԱՄՆ նախագահ Դոնալդ Թրամփը շնորհավորել է Վլադիմիր Պուտինին նախագահական ընտրություններում հաղթանակի կապակցությամբ:

Երկու երկրների լիդերները խոսել են երկկողմ բազմավեկտոր հարաբերությունների զարգացման անհրաժեշտության մասին, ընդգծվել է սպառազինությունների մրցավազքի սահմանափակման ուղղությամբ համատեղ ջանքեր գործադրելու կարևորությունը: Երկու լիդերները հետաքրքրված են երկկողմ տնտեսական հարաբերությունների զարգացման, էներգետիկ ոլորտի զարգացման գործում:

Քննարկվել է սիրիական կոնֆլիկտը և Ուկրաինայում սկսված ներքին ճգնաժամը: Քննարկվել է նաև բարձր մակարդակով հանդիպում կազմակերպելու մասին հարցը: Ընդհանուր առմամբ, խոսակցությունը կրել է կառուցողական, գործնական բնույթ և ուղղված էր ռուս-ամերիկյան հարաբերություններում առկա խնդիրների լուծմանը: