Դիլիջանի ուսումնական կենտրոնի գույքից մաս նվիրաբերվեց Ճամբարակ սահմանամերձ համայնքին

Այսօր կառավարության նիստում ֆինանսների նախարար Վարդան Արամյանը ներկայացրեց որոշման նախագիծ, որը վերաբերում էր Դիլիջանի ուսումնական կենտրոնին: Նախարարի խոսքով` կառավարությունն անցյալ տարի լուծարեց «Դիլիջանի ուսումնական կենտրոն» ՊՈԱԿ-ը, որը գտնվում էր ֆինանսների նախարարության ենթակայության ներքո: Այդ կենտրոնն ուներ բավական լավ գույք, և Ճամբարակ համայնքի ղեկավարը դիմել էր նամակով, որպեսզի համակարգիչներ տրամադրեն իրենց:

«Խնդրում ենք կառավարության թույլտվությունը, որպեսզի այդ գույքը, որի մեջ են մտնում համակարգիչներ, նվիրաբերենք Ճամբարակ սահմանամերձ համայնքին»,- ասաց Վարդան Արամյանը:

Որոշումն ընդունվեց: