Սևանի կամրջի տակ տեղի է ունեցել ՃՏՊ և հրդեհ է բռնկվել

Նոյեմբերի 26-ին, ժամը 17:21-ին ահազանգ է ստացվել, որ Գեղարքունիքի մարզի Սևանի կամրջի տակ տեղի է ունեցել ՃՏՊ և հրդեհ է բռնկվել:

Դեպքի վայր է մեկնել մեկ մարտական հաշվարկ:

Պարզվել է, որ Մ-10 ավտոճանապարհի Սևան-Գավառ հատվածի 1-ին կմ-ին բախվել են «ԶԻԼ-130» մակնիշի 11 ՏՏ 873 պետհամարանիշով (վարորդ՝ 1975 թ. ծնված Խ. Մ.) բեռնատարը և «Opel Vectra» մակնիշի 17 OL 054 պետհամարանիշով (վարորդ` 1984 թ. ծնված Դ. Ա.) ավտոմեքենան:

Հրդեհը մեկուսացվել է ժամը 17:32-ին, մարվել` 17:48-ին:

Այրվել է «Opel Vectra» մակնիշի ավտոմեքենայի ցուցիչների վահանակը և շարժիչի դիմային հատվածը՝ ամբողջությամբ: 

Փրկարարները հոսանքազրկել են ավտոմեքենաները և փակել գազի բալոնների փականները: