Հրազդան-Սևան ճանապարհին բեռնատարը սահել և հարվածել է արգելապատնեշին

ԱԻՆ մամուլի ծառայության փոխանցմամբ, նոյեմբերի 22-ին, ժամը 17:42-ին ահազանգ է ստացվել, որ Հրազդան-Սևան ավտոճանապարհին տեղի է ունեցել ՃՏՊ` բեռնատարը բախվել է ճամփեզրին և փակել երթևեկությունը, տուժածներ չկան. անհրաժեշտ է օգնություն:

Դեպքի վայր է մեկնել հրշեջ-փրկարարական ջոկատի օպերատիվ խումբը:

Պարզվել է, որ Մ-4 ավտոճանապարհի Երևան-Սևան հատվածի 49-րդ կմ-ի մոտակայքում «DAF» մակնիշի AR 920 RA պետհամարանիշով (վարորդ՝ Դ. Գորադձե, Վրաստանի հանրապետության քաղաքացի) բեռնատարը սահել և հարվածել է արգելապատնեշին, ինչի հետևանքով ճանապարհը ամբողջությամբ փակվել է:

Փրկարարները և ՃՇՇ-ի աշխատակիցները հատուկ տեխնիկայի օգնությամբ բեռնատարը դուրս են բերել երթևեկելի հատված: