Իժեվսկի բնակելի շենքում պայթած բնակարանի բնակիչը կասկածվում է սպանության մեջ

Իժեվսկում ոստիկանությունը բերման է ենթարկել մի տղամարդու, ում բնակարանում նախօրեին տեղի է ունեցել գազի պայթյուն, ինչի հետևանքով էլ շենքը մասնակի փլուզվել է:Այս մասին հաղորդում է BBC-ն:

«Ոստիկանությունը բերման է ենթարկել Ալեքսանդր Կոպիտովին, ով իր մոր հետ միասին բնակվել է այն բնակարանում, ուր, ըստ նախնական տեղեկությունների, տեղի է ունեցել գազի պայթյունը և հանդիսացել փլուզման կենտրոնը»,- հաղորդել է Ռուսաստանի քննչական կոմիտեն: Տղամարդուն բերման ենթարկելուց հետո նրա նկատմամբ  հարուցվել է քրեական գործ` առավել վտանագավոր միջոցներով մի քանու մարդու սպանության մեղադրանքով:

Քննիչները կարծում են, որ կասկածյալի գործողությունների շարժառիթը եղել է անձնական հակակրանքը: Հաղորդագրության մեջ, սակայն, չի հստակեցվում, թե Կոպիտովը ում է ցանկացել սպանել:

Հիշեցնենք, որ 9 հարկանի բնակելի շենքը փլուզվել է նոյեմբերի 9-ին, զոհվել է 6 մարդ, որոնց թվում` երկու երեխա: