Գերմանիայում ընտրություններից հետո ցույցեր են սկսվել

Գերմանական Բեռլին, Քյոլն, Դյուսելդորֆ, Մյունխեն և Մայնի Ֆրանկֆուրտ քաղաքներում բողոքի ցույցեր են անցկացվել. հայտնում է Лента.ру-ն: Պատճառն այն է, որ Բունդեսթագ է անցել ծայրահեղ աջակողմյան «Այլընտրանք Գերմանիայի համար» կուսակցությունը:

Ցուցարարները նշել են, որ իրենք վախեցած են կուսակցության բարձր ցուցանիշներով, ոմանք կատարվածն աղետ են անվանել: Նրանց ձեռքին եղել են «Ո'չ նացիզմին» գրառումով վահանակներ:

Սեպտեմբերի 24-ին Գերմանիայում կայացել են խորհրդարանական ընտրություններ: Ծայրահեղ աջակողմյան «Այլընտրանք Գերմանիայի համար» կուսակցությունն առաջին անգամ անցել է խորհրդարան` հավաքելով ձայների մոտ 13 տոկոսը և զբաղեցնելով երրորդ տեղը: