Բյուրականի անտառում այրվել է 20 հա բուսածածկ և անտառածածկ տարածք

Սեպտեմբերի 3-ին, ժամը 15:26-ին ահազանգ է ստացվել, որ  Արագածոտնի մարզի Բյուրական գյուղին հարակից սարին՝ անտառում, հրդեհ է բռնկվել:

Դեպքի վայր է մեկնել երկու մարտական հաշվարկ և արտակարգ իրավիճակների արձագանքման խումբը:

Ժամը 21:35-ի դրությամբ հրդեհաշիջման աշխատանքներին մասնակցում են 66 հրշեջ-փրկարար, անտառտնտեսության 10, ոստիկանության 25  աշխատակից և հարակից գյուղերից բնակիչներ:

Տեղում հրդեհաշիջման աշխատանքները ղեկավարում է ՓԾ մարզային փրկարարական վարչության պետ, փ/ծ գնդապետ Ա. Ամիրջանյանը:

Նախնական տվյալների համաձայն՝ մոտ 20 հա տարածքում այրվել է բուսածածկ և անտառածածկ տարածք:

Կտրվի լրացուցիչ տեղեկություն: