|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Նախկին ԱԳ նախարար Վարդան Օսկանյանի որդու` Արա Օսկյանյանի վերաբերյալ քրեական գործը կարճվել է հանցակազմի բացակայության պատճառաբանությամբ: Այս մասին իր ֆեյսբուքյան էջում գրել է Արա Օսկանյանի պաշտպան Տիգրան Աթանեսյանը:
«Այսօր քննիչը կարճել է իմ պաշտպանյալ Արա Օսկանյանի վերաբերյալ քրեական գործը` հանցակազմի բացակայության պատճառաբանությամբ»,- գրել է նա:
Հիշեցնենք, որ ԱԺ ընտրությունների քարոզարշավի ժամանակ` փետրվարի 17-ին, Նժդեհ Բերբերյանը դիմել էր իրավապահներին և հայտնել, որ իր ընկեր Հակոբ Սիրադարյանը և նրա հորաքրոջ որդին` Արա Օսկանյանը, առևանգել են իրեն, իր կամքին հակառակ պահել ավտոմեքենայի մեջ և պահանջել վերադարձնել պարտքը՝ հնչեցնելով սպառնալիքներ:
Հարուցվել էր քրեական գործ, Արա Օսկանյանին ու Հակոբ Սիրադարյանին առաջադրվել էր մեղադրանք, իսկ խափանման միջոց ընտրվել էր ստորագրություն չհեռանալու մասին: