Թուրքիայի ոստիկանությանը 117 գործողության ընթացքում հաջողվել է ոչնչացնել ԻՊ-ի` ընդամենը մեկ անդամի

Ստամբուլի ոստիկանության ահաբեկչության դեմ պայքարի գլխավոր վարչությունը հրապարակել է քաղաքում «Իսլամական պետություն» ահաբեկչական խմբավորման դեմ հատուկ գործողությունների և ձերբակալությունների մասին մեկամյա հաշվետվությունը։

Ըստ Demokrathaber-ի՝ նախորդ տարվա օգոստոսի 15-ից մինչև այս տարվա օգոստոսի 15-ը ԻՊ-ի դեմ իրականացվել է 117 ոստիկանական գործողություն, որոնց ընթացքում ձերբակալվել է 649 կասկածյալ, նրանցից 282-ը՝ կալանավորվել:

Ըստ զեկույցի՝ ԻՊ-ի դեմ ձեռնարկված գործողությունների ընթացքում եղել են սպանվածներ, սակայն ԻՊ-ից սպանվել է ընդամենը մեկ անդամ:

Հատուկ գործողությունների շրջանակներում երկրից արտաքսվել է 172 մարդ: