Երբ տեղի կունենա Արեգակի վերջին լրիվ խավարումը

Վերջին արեգնակային խավարումը, ըստ գիտնականների, տեղի կունենա 600 մլն տարի անց, քանի որ այդ ժամանակ Լուսինն արդեն այնքան հեռացած կլինի Երկրից, որ չի կարողնան ծածկել լուսատուն իր սկավառակով. հայտնում է РИА Новости-ն` space.com-ին հղումով:

«Արեգակի լրիվ խավարումը երեք «գործընկերների»` Լուսնի, Արեգակի և Երկրի «պարն» է: Դա կարող  է տեղի ունենալ միայն այն ժամանակ, երբ մեր մոլորակի արբանյակի և լուսատուի դիրքերը ճշգրտորեն համընկնեն: Ժամանակի ընթացքում լրիվ խավարումների քանակը և տևողությունը կրճատվում են, և մոտ 600 մլն տարի անց Երկիրը վերջին անգամ ականատես կլինի նման իրադարձության»,- ներկայացրել է NASA-ից Ռիչարդ Վոնդրակը: