Լիզպոնի 5 հերոսների հիշատակի ոգեկոչման արարողություն՝ Պուրճ Համուտում

Ազբյուրը՝ Aztagdaily

ՀՅԴ ԼԵՄ-ի Կեդրոնական վարչութեան Քարոզչական յանձնախումբին կազմակերպութեամբ, երէկ` չորեքշաբթի, 26 յուլիս 2017-ին, երեկոյեան ժամը 8:30-ին, Պուրճ Համուտի Ազգային գերեզմանատան մէջ տեղի ունեցաւ Լիզպոնի 5-ի գործողութեան 34-ամեակի ոգեկոչման հոգեհանգստեան արարողութիւն, որ սկիզբ առաւ հարիւրաւոր պատանիներու եւ երիտասարդներու քայլարշաւով` Պուրճ Համուտի քաղաքապետարանի հրապարակէն դէպի Ազգային գերեզմանատուն: Ապա բոլոր ներկաները մոմերով ու ծաղիկներով ուղղուեցան հինգ հերոսներուն դամբարանը, ուր տեղի ունեցաւ հոգեհանգստեան արարողութիւն:

Ձեռնարկը սկսաւ ՀՄԸՄ-ի շեփորախումբին հնչեցուցած Լիբանանի եւ Հայաստանի քայլերգներով, ապա բացման խօսքով հանդէս եկաւ Նժդեհ Լափաճեան: Ան իր խօսքին մէջ ըսաւ, որ Լիզպոնի հինգ ընկերներուն պոռթկումը  34 տարիներ ետք տակաւին կը խրախուսէ սերունդներ` զանոնք մղելով աւելի խրոխտ պայքարելու Հայ դատի լուծման փշոտ ճամբուն վրայ, տակաւին կ՛ամրացնէ հայ զինուորին բազուկները աւելի յամառօրէն հսկելու եւ պաշտպանելու հայրենիքի սահմանները թշնամիի ոտնձգութիւններէն: Ան իր խօսքին մէջ հաստատեց, որ Լիզպոնի արարքը կը սթափեցնէ եւ կը մղէ շարունակելու պայքարը, չդառնալու ճակատագիրի գերին եւ չյանձնուելու աննպատակ եւ միօրինակ կեանքի վտանգաւոր հոսանքին:

Օրուան բանախօսն էր Րաֆֆի Աշգարեան, որ լուսարձակի տակ առաւ պատմութիւն կերտող նահատակ հերոսներուն վեհ էութիւնը եւ անհրաժեշտ նկատեց հաւատարիմ մնալ անոնց երթին:

Մանրամասները՝ սկզբնաղբյուրում: