Ակունք-Զառ միջհամայնքային արտերում բռնկված հրդեհը փորձել են մարել 90 գյուղացիներ

Հուլիսի 19-ին, ժամը 13:22-ին տեղեկություն է ստացվել, որ Ակունք-Զառ միջհամայնքային ավտոճանապարհին այրվում է խոտածածկույթ:

Դեպքի վայր են մեկնել երկու մարտական հաշվարկ և Մարզային փրկարարական վարչության օպերատիվ խումբը:

Հրդեհը մեկուսացվել է ժամը 19:30-ին, մարվել՝ 19:44-ին:

Հրդեհաշիջման աշխատանքներին մասնակցել են Ակունք գյուղից թվով 60 հոգի, իսկ Զառ գյուղից՝ թվով 30 հոգի՝ գյուղապետերի գլխավորությամբ:

Ակունք և Զառ գյուղերի միջնամասում՝ Հատիս սարի լանջին, այրվել է մոտ 60 հա բուսածածկույթ, որից մոտ 20 հա՝ գարու արտեր:

Ստացված տեղեկությունը փոխանցվել է Ճգնաժամային կառավարման ազգային կենտրոնում Գյուղատնտեսության նախարարության ներկայացուցչին: