Էրդողանը կոչ է արել Ռուսաստանին` արագ հանել տնտեսական բոլոր սահմանափակումները

Թուրքիայի նախագահ Ռեջեփ Թայիփ Էրդողանը կոչ է արել Ռուսաստանին` վերացնել Թուրքիայի նկատմամբ գործող բոլոր առևտրային պատժամիջոցները` հարաբերությունների ամբողջական կարգավորման նպատակով։ Այդ մասին նա ասել է Սոչի մեկնելուց առաջ, որտեղ հանդիպելու է ՌԴ նախագահ Վլադիմիր Պուտինի հետ. հայտնում է ТАСС-ը:

«Եթե մենք ցանկանում ենք հասնել 100 մլրդ դոլարի առևտրաշրջանառության ցուցանիշին, պետք է արագ վերացնենք բոլոր այդ սահմանափակումները: Մենք ցանկանում ենք, որ դա տեղի ունենա: Պարոն Պուտինի հետ մենք մեծ ջանքեր ենք գործադրում առկա խնդիրների լուծման և երկու երկրների միջև հարաբերությունների` նախկին մակարդակի վերադարձի համար», - ասել է Էրդողանը:

Նա հավելել է, որ կքննարկի այդ հարցը Պուտինի հետ հանդիպման ժամանակ: