Բակո Սահակյանը Մարտունու շրջանում ծանոթացել է ներքաղաքային ճանապարհների կառուցման և վերանորոգման ընթացքին

Արցախի Հանրապետության Նախագահ Բակո Սահակյանն այսօր այցելել է Մարտունու շրջան:

Մարտունի շրջկենտրոնում նախագահը ծանոթացել է ներքաղաքային ճանապարհների կառուցման և վերանորոգման ընթացքին: Բակո Սահակյանն ընդգծել է իրականացվող աշխատանքների բարձր որակի ապահովման անհրաժեշտությունը և համապատասխան հանձնարարականներ տվել շահագրգիռ մարմինների ղեկավարներին:

Բակո Սահակյանն այցելել է Ճարտար քաղաք և հանդիպում ունեցել թիվ 5 միջնակարգ դպրոցի ուսուցչական կազմի հետ:

Քննարկվել են դպրոցում առկա խնդիրներին և միջնակարգ կրթությանը վերաբերող հարցեր:

Երկրի ղեկավարը կարևորել է նման հանդիպումները եւ նշել, որ շրջաններում կրթության և դպրոցաշինության գործընթացը միշտ եղել է և կմնա իշխանությունների ուշադրության կենտրոնում: