Մխիթարյանը պատրաստ է Ղազախստանի հետ խաղին

Անգլիայի Պրեմիեր լիգայի 29-րդ տուրում «Մանչեսթեր Յունայթեդ»-ը հյուրընկալվելիս 3։1 հաշվով հաղթել է  «Միդլսբրո»-ին։ Հայաստանի ազգային հավաքականի կիսապաշտպան Հենրիխ Մխիթարյանը հայտավորված է եղել խաղին, սակայն այդպես էլ դուրս չի եկել խաղադաշտ։ Խաղից հետո Daily Mail պարբերականը հայտնել էր, որ հայ ֆուտբոլիստը խաղադաշտ դուրս չի եկել վնասվածքի պատճառով։

Yerkir.am-ին ՀՖՖ մամուլի քարտուղար Հայկ Կարապետյանը տեղեկացրեց, որ «Մանչեսթեր Յունայթեդ»-ի կիսապաշտպանը վնասվածք չունի և պատրաստ է մարտի 26-ին Երևանում կայանալիք Ղազախստանի հետ խաղին։

Հիշեցնենք, որ Հայաստանի հավաքականը երեկ սկսել է ուսումնամարզական հավաքը։ Հենրիխ Մխիթարյանը հավաքականին կմիանա այսօր։