Դուք լավ չեք ղեկավարում, զիջեք ձեր տեղը. Սեյրան Օհանյան

ՕՐՕ դաշինքն այսօր Թալինում էր քարոզարշավ իրականացնում: ԱԳ նախկին նախարար Վարդան Օսկանյանը վստահեցրեց բնակիչներին. «Տվեք մեզ իշխանություն, և մենք`10-15 հոգով,  ձեզ մի քանի տարում այլ Հայաստան կհանձնենք: Մենք կառչած չենք եղել պաշտոնից ու չենք գնացել ինքնահարստացման ճանապարհով»:

Իսկ Մարալիկում ՕՐՕ համամասնական ցուցակը գլխավորող`  պաշտպանության նախկին նախարար Սեյրան Օհանյանը նշեց, որ իրենց թիմն ունի բարոյական նկարագիր, փորձառություն, և որ իրենց հարազատներն ու  բարեկամները բարձր պաշտոններ չունեն ու չեն թալանում երկիրը:

«Եթե կառավարող քաղաքական ուժը տարիների ընթացքում չի տանում առաջընթացի ու ապահովության, ապա մենք ասում ենք` դուք մեզ լավ չեք ղեկավարում, ձեր տեղը զիջեք այն ուժին, որը կարող է լավ ղեկավարել»,- ասաց նա` հավելելով, որ իր համար գերնպատակ է մի լավ բան անել ժողովրդի համար: