Հիտլերի հայրենիքում «Խարալդ Հիտլեր»-ին են փնտրում

Ավստրիայի ոստիկանությունը տղամարդու է որոնում, որը Ադոլֆ Հիտլերի կերպարանքով զբոսնում է գերմանացի բռնապետի հայրենի քաղաք Բրաունաու-ամ-Իննում: Այս մասին հայտնում է Oberösterreichische Nachrichten պարբերականը:

Տեղի բնակիչները մի քանի անգամ տեսել են Հիտլերի ժամանակների հանդերձանքով, բնութագրական բեղերով եւ սանրվածքով երիտասարդին: Նրանց ներկայացմամբ՝ նա 25-ից մինչեւ 30 տարեկան է:

Ականատեսները հայտնել են, որ «նմանակը» լուսանկարվել է այն տան ֆոնին, որտեղ ծնվել է Հիտլերը, իսկ գրախանութում թերթել է Երկրորդ համաշխարհային պատերազմի վերաբերյալ ամսագրերը:

Բարում, ուր այցելում է, նա հայտնի է «Խարալդ Հիտլեր» անունով:

Ավստրիացի իրավապահները պարզում են բոլոր մանրամասները եւ չեն բացառում, որ երիտասարդը պատժվի: