Դա ապուշություն է. Ժիրինովսկին` Լապշինին Ադրբեջանին հանձնելու մասին

Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին դատապարտել է Բելառուսի նախագահ Ալեքսանդր Լուկաշենկոյին` ՌԴ քաղաքացի Ալեքսանդր Լապշինին Ադրբեջանին արտահանձնելու որոշման համար. հայտնում է REGNUM գործակալությունը:

«Բելառուսը թույլատրեց Լապշինին հանձնել Ադրբեջանին: Նրան այնտեղ սպառնում է 8 տարվա ազատազրկում` նա Ղարաբաղ էր այցելել: Դա ապուշություն է, նա իրավունք ունի լինելու այնտեղ, որտեղ հարկ է համարում: Ղարաբաղի հարցը ոչ մեկի կողմից կարգավորված չէ: Նա Ռուսաստանի քաղաքացի է»,- ասել է նա, ապա հավելել. «Ահա ձեզ եղբայրական հանրապետություն, եղբայր ժողովուրդներ»:

Ժիրինովսկու կարծիքով` դրա նպատակը Ռուսաստանին խայթելն է: «Ահա Մեծ Բելառուսը ռուս Լապշինին հանձնեց Բաքվին` հոշոտման, ինչ լավ է` պարտիզան Լուկաշենկոն մեծ հաջողության հասավ»,- հեգնել է նա: