Թրամփը քննադատել է լրատվամիջոցներին

Միացյալ Նահանգների նախագահ Դոնալդ Թրամփը հերթական անգամ քննադատել է ամերիկյան լրատվամիջոցները՝ հայտարարելով, թե դրանցից շատերը իրականում ներկայացնում են «ընդդիմության կուսակցությունը», հաղորդում է «Ամերիկայի ձայն»–ը։

Թրամփը վկայակոչել է մի լուր, ըստ որի Սպիտակ տան Օվալ աշխատասենյակից, իբր,  հանել են մարդու իրավունքների համար սպանված Մարթին Լյութեր Քինգի կիսանդրին։ «Դրան նույնիկս չեն դիպչել։  Ես համարում եմ, որ դա խայտառակություն է, սակայն այդպիսին է մեր մամուլը», – նշել է Թրամփը՝ անվանելով լուրը «կեղծ տեղեկատվություն»։ Ելույթ ունենալով Սպիտակ տանը, Թրամփը նաեւ քննադատել է CNN–ը կեղծ տեղեկատվություն» տարածելու համար, փոխարենը՝ գովելով Fox News–ը։

Երբ լրագրողները դուրս էին գալիս Ռուզվելթի անվան դահլիճից, Թրամփը հավելել է.«Լրատվամիջոցներից շատերը իրականում ներկայացնում են ընդդիմության կուսակցությունը։ Նրանք այնքա՛ն կողմնակալ են։ Սա խայտառակություն է»։