Yes California շարժումը ստորագրահավաք անցկացնելու թույլտվություն է ստացել

Yes California շարժումը, որը պայքարում է ամերիկյան Կալիֆոռնիա նահանգի անկախության համար, ստորագրահավաք անցկացնելու թույլտվություն է ստացել` նահանգային սահմանադրությունը փոխելու մասին հանրաքվե անցկացնելու համար: Այս մասին տեղեկացնում է Los Angeles Times-ը:

Ներկա պահին Կալիֆոռնիայի դուրս գալը Միացյալ Նահանգների կազմից անհնար է՝ տարածաշրջանային օրենսդրության երկու դրույթի պատճառով: Դրույթներից մեկը նահանգի տարածքն անվանում է «ԱՄՆ-ի անբաժանելի մասը», իսկ մյուսը ամերիկյան սահմանադրությունը ճանաչում է որպես նահանգի հիմնական օրենք:

Եթե հանրաքվեն կայանա և մեծամասնությունը դեմ քվեարկի այդ դրույթներին, Yes California շարժման ակտիվիստները հնարավորություն կստանան քվեարկություն նախաձեռնել Calexit-ի (Կալիֆոռնիայի առանձնացումը ԱՄՆ-ից` Brexit-ի օրինակով) հարցի շուրջ: