Փոխարժեքներ
19 04 2025
|
||
---|---|---|
USD | ⚊ | $ 390.9 |
EUR | ⚊ | € 444.61 |
RUB | ⚊ | ₽ 4.7857 |
GBP | ⚊ | £ 519.04 |
GEL | ⚊ | ₾ 142.3 |
ՀՅԴ Ավստրալիայի Երիտասարդական միության կազմակերպմամբ՝ այսօր բողոքի ցույց է տեղի ունեցել մայրաքաղաք Քանբերայում Բելառուսի դեսպանատան դիմաց:
Ցույցի մասնակիցները լռելյայն ցույց են անցկացրել դեսպանատան դիմաց՝ իրենց զորակցությունը հայտնելով Բելառուսում անարդարորեն ձերբակալված` ՌԴ և Իսրայելի քաղաքացի, բլոգեր Ալեքսանդր Լապշինին:
ՀՅԴ Ավստրալիայի Երիտասարդական միության անդամները, Ավստրալահայ ուսանողական միության և Հայ Դատի հանձնախմբի անդամների հետ բարձրացրել են Բելառուսի կառավարության որոշումը դատապարտող պաստառներ՝ «Վերջ տվեք բռնատիրությանը», «Հարգենք ազատ խոսքի իրավունքը», «Ազատություն՝ Լապշինին» գրություններով:
«Այսօր հավաքվել ենք այստեղ՝ բարձրացնելու մեր ձայնը ընդդեմ Բելառուսի կատավարության կատարած անարդար քայլի: Մենք ապրում ենք 21-րդ դարում, և նման արարքներն անընդունելի են: Ադրբեջանի կառավարության պահանջը պարզապես դրսևորումն է Ադրբեջանի նախագահ Ալիևի բռնատիրական և ազատ խոսքի իրավունքը ոտնահարելու քաղաքականության»,-ելույթի ընթացքում հայտարարել է ՀՅԴ Ավստրալիայի Երիտասարդական միության «Նիկոլ Դուման» մասնաճյուղի ատենապետ Մեղեդի Զեյթունյանը: