Բքի պատճառով Վարդենյանց լեռնանցքը փակ է

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է,  որ  հունվարի 25-ին՝ ժամը 19:30-ի դրությամբ,  Արարատի, Թալինի, Մարալիկի, Ախուրյանի, Ապարանի, Աբովյանի, Սևանի, Հրազդանի, Եղեգնաձորի, Վայքի և Մեղրու տարածաշրջանների ավտոճանապարհներին ձյուն է տեղում:

Բքի և ցածր տեսանելիության  պատճառով դժվարանցանելի է Բերդ – Ճամբարակ ճանապարհը:

Վարդենյաց լեռնանցքը փակ է սաստիկ բքի և անբավարար տեսանելիության պատճառով: 

Մեղրու ճանապարհներին մառախուղ է,  տեսանելիությունը՝ 80-100 մ: Նշված ճանապարհներին կատարվում են մաքրման և աղով, ավազով մշակման աշխատանքներ:

ՀՀ  միջպետական և հանրապետական նշանակության մյուս ավտոճանապարհները  բաց են: