ՄԵնք այլևս ցանկանում ենք, որպեսզի բոլոր խաղաքարտերը բացվեն. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Սիրիայի հյուսիսում իրականացվող ռազմական գործողությունների միջոցով Թուրքիան պայքարում է ոչ միայն ահաբեկչական խմբավորումների, այլև նրանց ետևում կանգնած ուժերի դեմ. այս մասին գրում է թուրքական «Անադոլու» գործակալությունը: 

Նա նաև հավելել է, որ ոչ ոք Թուրքիային չի կարողա համոզել, թե Սիրիայի հյուսիսում գործող քրդական ազգային ինքնապաշտպանության ուժերը (YPG/PYD) որևէ առնչություն չունեն Թուրքիայում ահաբեկչական ճանաչված «Քուրդիստանի աշխատավորական կուսակցություն» (PKK) խմբավորման հետ: 

«Ոչ ոք այլևս այն վիճակում չէ, որ կարողանա ասել, թե PYD-ն կապ չունի PKK-ի հետ: Ինչպես նաև ոչ ոք չի կարող իրենց թույլ տալ հայտարարել, որ իրենց միակ նպատակը տարածաշրջանում «Իսլամական պետություն» ահաբեկչական խմբավորման դեմ պայքարելն է», - ասել է Էրդողանն ակնարկելով ԱՄՆ-ին:

Նշենք, որ ավելի վաղ Էրդողանի խոսնակ Իբրահիմ Քալընն, արձագանքելով է ԱՄՆ-ի գլխավոր հրամանատարության կողմից Twitterum արված գրառմանը, որով հրամանատարությունը հայտարարել էր, որ իրենց կողմից աջակցություն վայելող և Սիրիայի հյուսիսում գործող քրդական ազգային ինքնապաշտպանության ուժերը կապ չունեն ՔԱԿ-ի հետ, գրել էր. «Սա կատա՞կ է, թե՞ CENTCOM-ը խելքը թռցրել է: Դուք կարծում եք, որ ինչ-որ մեկը սրան կհավատա՞: ԱՄՆ-ն պետք է վերջ դնի ահաբեկչական խմբավորումներն օրինականացնելու իր մոտեցմանը»: