Մամլո ասուլիսին Թրամփը ժամանել է դստեր և փեսայի ուղեկցությամբ

ԱՄՆ-ում անցկացվում է Դոնալդ Թրամփի` նախագահի պաշտոնում ընտրվելուց հետո առաջին մամուլի ասուլիսը, որը մեկնարկել է ԱՄՆ նորընտիր նախագահի դեմ կոմպրոմատի առկայության մասին տեղեկության մեկնաբանմամբ:

Ինչպես ներկայացնում է Gazeta.ru-ն, մամուլի ասուլիսի սկզբում Թրամփի ներկայացուցիչը հայտարարել է, որ ԶԼՄ-ներում տարածված տեղեկությունը  չի համապատասխանում իրականությանը:

Մամլո ասուլիսին Թրամփը ժամանել է դստեր` Իվանկայի և փեսայի` Ջարեդ Կուշների ուղեկցությամբ: 

Հիշեցնենք, որ ավելի վաղ CNN-ը հաղորդել էր, որ ԱՄՆ հետախուզական գործակալությունների ղեկավարներն անցած շաբաթ ԱՄՆ գործող նախագահ Բարաք Օբամային և նորընտիր նախագահ Դոնալդ Թրամփին ներկայացրել են տեղեկությունների ամփոփագիր այն մասին, թե Ռուսաստանի հատուկ ծառայությունները կոմպրոմատ հանդիսացող անձնական տեղեկություններ ունեն Թրամփի մասին: