Տանը կրակ է վառել, որ տաքանա, խեղդվել է. համայնքապետը՝ 46-ամյա տղամարդու մահվան մասին

Երեկ` հունվարի 8-ին, Արմավիրի մարզի Մուսալեռ գյուղի Անի թաղամասի շենքերից մեկի բնակարանում հայտնաբերվել է ծխախեղդ եղած տղամարդու դի: Նշենք, որ սա այն շենքն  է, որտեղ մահացած են գտել  նույն ընտանիքի երեք անդամների՝ կնոջ, ամուսնու և նրանց չորս ամսական երեխայի։

Մուսալեռի համայնքապետ Էդգար Հովհաննիսյանը Yerkir.am-ի հետ զրույցում հայտնեց, որ մահացածը 46-ամյա Գագիկ Դավթյանն է, ով մեկ տարի է, ինչ բնակվում էր իրենց գյուղում: «Ռուսաստանում էր ապրում, մեկ տարի է, ինչ եկել էր մեզ մոտ: Հոգեկան խնդիրներ ուներ, մենակ էր ապրում: Ինձ հասած տեղեկություններով՝ ընտանիք չուներ: Երևի տանը  կրակ է վառել, որ տաքանա, ու ծխից էլ խեղդվել է: Նրա տանը գազ չկար ու գազի արտահոսքից չի խեղդվել, հաստատ»,- ասաց նա: