Հավաքականում պետք է լինեն միայն հայ տղաներ. Արմեն Նազարյան

Ձյուդոյի Հայաստանի հավաքականի գլխավոր մարզիչ Արմեն Նազարյանն այսօր լրագրողների հետ զրույցում խոսեց հավաքականի առաջիկա անելիքների մասին:

«Նոյեմբերի 27-ին անցկացվեց Հայաստանի առաջնությունը, որից մասնակցում էր մոտ 110 մարզիկ։ Այդ թիվն այսօր գոհացուցիչ չէ։ Կաշխատենք, որ հաջորդ տարի  մասնակից մարզիկների թիվն ավելի մեծանա։  Դեկտեմբերի 13-ից կսկսենք հավաքը Ծաղկաձորում։ Հունվարին կրկին հավաք կանցկացնենք, ինչից հետո կմեկնենք Վրաստան։ Քանի որ սերնդափոխություն է կատարվում հավաքականում, այդ պատճառով մեծ մրցաշարերին չեն մասնակցի նոր տղաները։ Ապրիլին Լեհաստանում տեղի կունենա Եվրոպայի առաջնությունը, իսկ սեպտեմբերին Հունգարիայում կկայանա աշխարհի առաջնությունը։

Կարապետյան Ֆերդինանտն արդեն համալրել է մեր հավաքականի շարքերը։ Նա շատ լավ մարզիկ է։ Ռուսաստանից ևս մեկ մարզիկի հետ կա պայմանավորվածություն, մնացել է անձնագրային խնդիրները լուծվեն։ Եվս մեկ մարզիկ պետք է համալրի հավաքականի շարքերը, սակայն այս պահին դեռևս հստակություն չկա։  Մենք ցանկանում ենք, որ հավաքականում լինեն միայն հայ տղաներ»,-ասաց Նազարյանը։