Թուրքիայում` նահանգապետարանի մոտ, պայթուցիկով մեքենա է պայթեցվել. կան զոհեր և վիրավորներ

Այս առավոտյան հզոր պայթյուն է որոտացել ներկայիս Թուրքիայի տարածքում գտնվող հայկական Ադանայի նահանգապետարանի ավտոկայանատեղիում:

Ըստ Demokrathaber-ի՝ պայթյունն իրականացվել է պայթուցիկով լցոնված մեքենայի միջոցով, ինչի հետևանքով, ըստ նահանգապետարանի առաջին հայտարարության, զոհվել է 2, վիրավորվել՝ 16 քաղաքացի:

Թեև դեռևս պաշտոնապես չի հաստատվել ահաբեկչության վարկածը, այնուամենայնիվ, Ադանայի նահանգապետարանը դատապարտել է կատարված գործողությունը:

Դեպքի վայր են ժամանել մեծ թվով շտապօգնության մեքենաներ:

DIHA-ի հաղորդմամբ՝ պայթյունի հետևանքով այրվել են մոտակայքում գտնվող ավտոմեքենաներ: Մեծ վնասներ են կրել հարակից շենքերը, այդ թվում՝ նահանգապետարանը: