Ավստրիան կարող է դուրս գալ ԵՄ-ի կազմից, եթե Թուրքիան դառնա դրա անդամ

Ավստրիայի կանցլեր` սոցիալ-դեմոկրատ Քրիստիան Քերնը հայտարարել է, որ եթե Թուրքիան դառնա Եվրամիության (ԵՄ) անդամ, ապա հնարավոր է իր երկրում  նույնպես հանրաքվե անցկացվի՝ պարզելու համար, թե արդյո՞ք Ավստրիան կկամենա մնալ ԵՄ-ի կազմումջ. տեղեկացնում է Ermenihaber-ը:

Ըստ թուրքական Haberler լրատվակայքի` այդ մասին Ավստրիայի վարչապետը հայտնել է  պետական հեռուստաընկերության եթերով հեռարձակվող ZIB2 հաղորդման ժամանակ:

Թուրքական աղբյուրը նշում է, որ այն բանից հետո, երբ Մեծ Բրիտանիան դուրս եկավ ԵՄ-ի կազմից,  Ավստրիայի կանցլերը դրա հետ կապված ասել էր. «Այս որոշումը Մեծ Բրիտանիայի տնտեսությունում ծանր հետևանքների կհանգեցնի: Բայց մենք պիտի հարգանք ցուցաբերենք Մեծ Բրիտանիայի ընդունած որոշման նկատմամբ և այդ որոշումից առաջանալիք բացասական երևույթները հասցնենք նվազագույնի»: