Վիրավորներին ուղղաթիռով են տեղափոխել Երևան

Զանգեր-Գորիս ավտոճանապարհի` ոչ բարվոք լինելու պատճառով ոչ մի վիրավոր չի տուժել. բոլորին բուժօգնություն է ցուցաբերվել ժամանակին: Այս մասին լրագրողների հետ զրույցում հայտնեց ՊՆ բուժվարչության պետ Կամո Խաչատրյանը:

Նա տեղեկացրեց նաև, որ, ճիշտ է, ճանապարհին բավականին փոսեր կան, սակայն զինվորական մեքենաները բարձր անցողականություն ունեն:

«Ուզում եմ շեշտել, որ բոլոր վիրավորները, որոնք Ղարաբաղից Երևան են տեղափոխվել, ավտոմեքենայով չեն տեղափոխվել, բայց ոչ թե ճանապարհի պատճառով, այլ ավելի արագ նրանց բուժումը կազմակերպելու համար: Ի դեպ, Զանգեր-Գորիս ավտոճանապարհն այդ վիճակում է ձնհալի պատճառով: Ես տեղյակ եմ նաև, որ այս տարի պետական ծրագրով վերանորոգվելու է այդ ճանապարհը»,- ասաց Խաչատրյանը: