Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Քաղաքական համագործակցության մասին հուշագիրը կկնքվի հաջորդ շաբաթվա սկզբին. այսօր լրագրողներին հայտնեց ԱԺ ՀՅԴ խմբակցության պատգամավոր Արծվիկ Մինասյանը:
Լրագրողների հարցին, թե հե՞շտ է հեռանալու խորհրդարանից, նա պատասխանեց, որ Ազգային ժողովն ու կառավարությունը միասնական օրգանիզմ պետք է լինեն` երկրում ծառացած խնդիրների հաղթահարման առումով, հետևաբար` ինքն իրեն օտարված չի զգա:
«Ես ինձ կզգամ երկրի պետական կառավարման մի մասը, և եթե լինի պաշտոնի հրաման, ուրեմն սերտ համագործակցությունը խորհրդարանի հետ կշարունակվի»,- ասաց պատգամավորը:
Արծվիկ Մինասյանը չբացահայտեց քաղաքական համագործակցության հուշագրի կետերը: «Սպասենք մի քանի օր, կհրապարակվի, և յուրաքանչյուր կետ կարող ենք մանրամասն քննարկել և ներկայացնել մոտեցումներ»,- ասաց նա:
Նաև հավելեց, որ որևէ տարաձայնություն չկա համաձայնագրի կետերի շուրջ:
Պատգամավորը նշեց, որ, այս պահի դրությամբ, չկա որոշում, թե ով իր փոխարեն կզբաղեցնի պատգամավորի պաշտոնը:
Նշենք, որ, ըստ նախնական պայմանավորվածության, Արծվիկ Մինասյանը հնարավոր է նշանակվի էկոնոմիկայի նախարար: