Հանրապետության տարածք թափանցած ցիկլոնն արդեն քայքայվում է. Գագիկ Սուրենյան

ՏԿԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը Yerkir.am-ի հետ զրույցում հայտնեց, որ հանրապետության տարածք թափանցած ցիկլոնն արդեն քայքայվում է. արդեն երեկոյան ժամերին տեղումները կդադարեն մեր երկրի ողջ տարածքում, և առաջիկա 5 օրերին կգերակշռի առանց տեղումների եղանակ:

«Այս գիշեր կցրտի`  4-6 աստիճան ցուրտ է սպասվում Երևանում, իսկ վաղվանից և առաջիկա հինգ օրերին օդի ջերմաստիճանը կբարձրանա: Ցերեկային ժամերին մայրաքաղաքում դրական ջերմաստիճան կլինի`  սպասվում է 3-5 աստիճան տաքություն»,- ասաց նա և հավելեց, որ ձյան տեղումներ եղել են ողջ երկրի տարածքում, իսկ ամենաշատ տեղումներ գրանցվել են Մարտունիում, որտեղ ամսական նորմայի կեսի չափ տեղում է եկել միայն այսօր: