Թուրքիայի ԱԳՆ-ն՝ ռուսական ինքնաթիռի դիտորդական թռիչքը մերժելու մասին

Թուրքիայի  ԱԳ նախարարության խոսնակ Թանժու Բիլգիչը պարզաբանել է, թե ինչու է «Բաց երկնքի մասին» պայմանագրի շրջանակում մերժվել ռուսական ինքնաթիռի դիտորդական թռիչքը:

Ըստ Թուրքիայի ԱԳ նախարարության կայքի՝ «դիտորդական թռիչքներ իրականացվում են, երբ կողմերը համաձայնության են գալիս թռիչքի երթուղու վերաբերյալ։ 2016-ի փետրվարի 2-5-ը ՌԴ-ի կողմից դիտորդական թռիչք իրականացնելու մասին դիմումի հարցում կողմերը չեն կարողացել համաձայնեցնել թռիչքի երթուղին, ինչի համար էլ այն տեղի չի ունեցել»:

Հիշեցնենք, որ ՌԴ-ի` Թուրքիայի կողմից մերժում ստանալու մասին հայտարարել էր ՌԴ պաշտպանության նախարարության պայմանագրերի իրականացման վերահսկման բաժնի ղեկավար Սերգեյ Ռիժկովը: Նրա խոսքերով՝ Թուրքիան խախտել է  «Բաց երկնքի մասին» պայմանագիրը և վտանգավոր նախադեպ ստեղծել: