Բքի պատճառով կան փակ և դժվարանցանելի ավտոճանապարհներ

ՀՀ տրանսպորտի և կապի նախարարությունը տեղեկացնում է, որ հունվարի 4-ին՝ ժամը 12:30-ի դրությամբ, սաստիկ բքի պատճառով դժվարանցանելի են Տաշիր-Գոգավան, Տաշիր-Մեծավան, Ապարան-Քուչակ, Գավառ-Մարտունի, Մարտունի-Վարդենիս ավտոճանապարհները:   

Բքի և տեսանելիության բացակայության պատճառով փակ են Ճամբարակ-Դրախտիկ ավտոճանապարհի Ճամբարակի լեռնանցքը,  Գորիսի տարածաշրջանի ավտոճանապարհները, Բերդ-Ճամբարակ ճանապարհահատվածը և Վարդենյաց լեռնանցքը:
Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին շուրջօրյա կատարում են մաքրման և աղով, ավազով մշակման աշխատանքներ: 

Վթարներից, պատահարներից, խցանումներից և արտակարգ իրավիճակներից խուսափելու նպատակով ՀՀ տրանսպորտի և կապի նախարարությունը վարորդներին հորդորում է խուսափել նշված դժվարանցանելի ճանապարհներով երթևեկելուց: